प्रदेश दुईमा बहुमत आए चुनाव लगतै मधेश सरकार घोषणा गर्छाै– अध्यक्ष यादव

महोत्तरी २५, कार्तिक । संघीय समाजवादी फोरम नेपालका अध्यक्ष उपेन्द्र यादवले फोरम नेपालको गठबन्धनले बहुमत ल्याए प्रदेश न. दुईमा मधेश सरकार घोषणा गर्ने बताएका छन । फोरम नेपाल र राजपाको चुनावी गठबन्धनले बहुमत प्राप्त गरे चुनाव सकिएको एक महिना मैं मधेश सरकार गठन गर्ने दाबी गरेका हुन ।

महोत्तरीको क्षेत्र न. १, रामनगर बिर्तामा शनिबार फोरम नेपाल र राजपाका उम्मेद्वारहरुले संयुक्त रुपमा आयोजना गरेको चुनावी सभालाई सम्बोधन गर्दै यादवले प्रदेश दुईमा आफूहरु भारी बहुमतले विजयी हुने दाबी गरेका छन ।

वाम गठबन्धन र कांग्रेसको झूठा आश्वाशनमा नपर्न उनले आम मतदातालाई सचेत समेत गराएका छन । कांग्रेस, एमाले र माओवादीले मधेशकै मतले मधेशमाथि अन्याय तथा शोषण गरेका छन । अधिकार प्राप्तिका लागि मधेशका जनता सचेत हुन जरूरी छ– अध्यक्ष यादवले भने ।

कार्यक्रममा कांग्रेस, माओवादी र एमाले परित्याग गरी सयौको संख्यामा नेता कार्यकर्ताहरु फोरम नेपालमा प्रवेश गरेका छन ।
Source: nayaonline.com

You may also like...

Leave a Reply

Your email address will not be published. Required fields are marked *